உபயோகமான தகவல் USEFUL INFORMATION

சாது மிரண்டால்... Posted: 27 Dec 2009 07:08 AM PST பத்து பேர் சேர்ந்து கூக்குரலிட்டால், பஞ்சு நஞ்சாகிடுமா? வெத்து வேட்டுக்களின் வித்தையிங்கு நஞ்சை விஞ்சிவிடுமா?? இனமானம் காக்க தூக்கிய கூஜா நொருங்கிப் போகுது பாவம்! கூஜாவின் கழுத்தையும் மாதவர் இடுப்பாக காமத்தின் கண்பார்க்கும் சோகம்!! உம்மின ஆண்கூட குடிக்க மாட்டார்களா??? என்று கேள்வி எழுப்பி, தம்வீட்டு பெண்களும் குடிப்பார்கள் என்று பறைசாற்றி, தம்மை, நற்'குடி'யாகக் காட்டிக் கொண்ட தகர டப்பாக்கள்! கருப்பென்று கருவிழியை பிடுங்கி எறிந்து விட்டு, கருப்பென்று தலைமுடி மீசையும் மழித்துவிட்டு, பரிதாபக் கோலத்தில் தன்மானக் காவலர்கள்!! மதிமயக்கும் பானத்தைக் குடித்தாட்டம் போட்டு, விஷம் தோய்த்த பானத்தை விதிமேலே தொடுத்து, மயங்கியொரு போதையிலே முயங்கியாடும் கும்மாளம்! பசுபோட்ட சாணத்தை தலைமேலே ஏற்றி, பெண்ணினத்தின் நாணத்தை காலாலே நசுக்கி, சுயவிளம்பரம் தேடிக்கொள்ளும் கயவர்களின் பட்டாளம்!! மூடிவைத்த பதார்த்தத்தில் வாசம் வராதென்று, திறந்து வைத்து, தேடிவரும் ஈசலுக்கும், நாடிவரும் எறும்புக்கும் இரையாக்கு...

அரபு சீமையிலே... - 13 Posted: 26 Dec 2009 06:40 AM PST மாதவத்தால் வந்துதித்த மாணிக்கமாம் முகமதுவை சாதகமாய் மணமுடிக்க சம்மதத்தை வேண்டியந்த மாதவரும் குடும்பத்திலே பெரியராம் அபுதாலிபிடம், தூதுவிட்டார், துயரம் விட்டார் இனிய நாளில் மணம்முடித்தார். முகமதுக்கு இருபத்தைந்து வயது, கதிஜாவின் வயதோ நாற்பது! இவரை எங்ஙனம் ஏற்பது? என தயங்கவில்லை முகமது! ஏற்றிட மலர்ந்தது கதிஜாவின் முகமது!! ஐநூறு தினார் தங்ககாசும் இருபது பெண் ஒட்டகையும் என மஹர் கொடுத்து மணம்முடித்தார், மனிதர் குல புனிதர் நபி! செவிலித்தாய் ஹலிமாவையும் நன்முறையில் உபசரித்து, பரிசாய் பல கால்நடையும், அன்பளிப்பாய் உவந்தளித்தார். பெண்ணினத்தின் கண்மணியாய், வியனுலக நன்மலராய் ஒருமித்த தாம்பத்யம் - என ஒழுகி நின்றார் கதிஜாவும்!! காஸிம், அப்துல்லாஹ் என்ற இரு ஆண்மக்களும், ஜைனப், ருகையா உம்முகுல்தூம், பாத்திமா, என்று நான்கு பெண்மக்களும், கதிஜாவின் மணிவயிற்றில் உதித்து வந்த கண்மணிகள். ஆண்மக்கள் இருவருமே, இறப்பெய்த சிறுவயதில், பெண்மக்கள் நால்வருமே, சிறப்பாக வாழ்ந்தனரே! விக்கிரக வணக்கமும், வீணான பழக்கமும் ...

பர்தா என்றால் என்ன? Posted: 25 Dec 2009 02:38 AM PST இது மதம் சார்ந்த பதிவல்ல! என் மனம் சார்ந்த பதிவு!! பொதுவாக, நான் மதம் சார்ந்த பதிவுகள் எழுதுவதில்லை; காரணம் நான் என் மதத்தை விரும்புவது போல, அனைத்து மதங்களையும் மதிக்கிறேன். ஆக, ஜாதி மத வேறு பாடு இல்லாமல், அனைவரும் என் இடுகையைப் படிக்க வேண்டும் என்ற எண்ணத்தில் தான் பொதுவான விஷயங்கள் மட்டுமே எழுதுகிறேன். இந்த இடுகைக்கு என்ன காரணம் என்றால்.... நான் பதிவர் சந்திப்புக்கு பர்தாவுடனே சென்றேன், கடைசிவரை பர்தாவுடனே இருந்தேன் என்று எழுதியிருந்ததற்கு, முந்தய பதிவுகளில் மாற்று மத அன்பர் ஒருவர் இவ்வாறு மறுமொழியிட்டிருந்தார், //நான் பேண்ட்டுடனே சென்றேன், கடைசிவரை பேண்ட்டுடனே இருந்தேன்; பெண்கள் புடவையுடனே சென்றார்கள், கடைசிவரை புடவையுடனே இருந்தார்கள், இப்படியெல்லாம் நாங்கள் எழுதினோமா?// இதைப் படித்ததும், எனக்கு சிரிப்பதா அழுவதா என்றே தெரியவில்லை! பர்தாவைப் பற்றி பல தவறான கருத்துக்கள் மாற்று மத அன்பர்களிடையே உள்ளது, அதைத் தெளிவாக்குவது தான் இந்த இடுகையின் நோக்கம்! சில கேள்விகளும் பதில்களும்... பர்தா என்றால் என்ன? பர்தா என்பது உடையல...

பதிவர் சந்திப்பில் நான் பேசியவை Posted: 23 Dec 2009 06:19 AM PST பதிவர் சந்திப்பில் நான் பேசியவற்றையும் இன்னும் பிறர் பேசியவற்றையும் அழகாக ரெக்கார்டு செய்து வெளியிட்டிருக்கிறார்கள். நன்றி! அதன் முழு ஒலிநாடாவையும் http://erodetamizh.blogspot.com/ என்ற வலைப்பூவின் மூலமாகக் கேட்கலாம். நான் பேசியவற்றை இந்த லின்க்கை க்ளிக் செய்தால் கேட்கலாம். சுமஜ்லாவின் பேச்சு -சுமஜ்லா. ரீடரில் என் பதிவுகளைப் படிக்கும் அனைவருக்கும் என் நன்றி! கால பாதையில்... Posted: 23 Dec 2009 03:40 AM PST பற்பல திக்கிலிருந்து ஒன்று சேர்ந்தோம், சொற்களால் இதய ரகசியத்தைப் பகுத்தோம்! பொற்கனவை பூட்டி வைத்து புன்னகைத்தோம், கற்பனையில் சிறகில்லாமலே பறந்து திரிந்தோம்! விண்ணோடு விளையாடி களித்திருந்தோம், மண்ணோடு கதைபேசி மகிழ்ந்திருந்தோம்! பொன்னையும் தூசாக மிதித்துவிட்டு, கண்ணாக நன்நட்பை காத்து நின்றோம்! வந்தது வேறு திசையிலிருந்து என்றாலும் சந்தம் சேர்ந்து பாடினோம் கல்விப்பாதையில்! சொந்தம் விலகி பந்தம் மறந்து கைவிட்டாலும் இந்த உறவு என்றும் தொடரும் காலப்பாதையில்!! -சுமஜ்லா ரீடரில் என் பதிவுகளைப் படிக்கும்...

ஈரோடு பதிவர் சந்திப்பு - முன்னும் பின்னும் Posted: 21 Dec 2009 09:25 AM PST பதிவர் சந்திப்பில் நிஜமாகவே நான் கலந்து கொள்வேன் என்று சிறிதும் நினைக்கவில்லை. அதற்கு பல காரணங்கள். நேற்று அவசர அவசரமாக சுடச்சுட விவரங்கள் தர வேண்டும் என்று பதிவிட்டதால், சில சுய விவரக் குறிப்புகளைத் தர முடியவில்லை. நான் கொஞ்சம் நாட்களாக பதிவுலகில் அதிகம் கவனம் செலுத்த முடியவில்லை, காரணம் என்னுடைய படிப்பு என்பது என்னுடைய ரெகுலர் வாசகர்களுக்குத் தெரியும். ஒரு நாள் கதிர் சார் அவர்கள், இது குறித்து எனக்கு மெயில் அனுப்பி இருந்தார். பிறகு தான் எனக்கு இப்படி ஒரு சந்திப்பு ஏற்பாடு செய்திருப்பதே தெரிந்தது. அவருக்கு போன் செய்த போது, இடம் இன்னமும் முடிவாகவில்லை, முடிவானபின்பு மெயிலில் தெரிவிப்பதாக சொன்னார். சரி, இது பற்றி எழுதியிருக்கும் இடுகைகளைப் படிக்கலாம் என்று அலசினேன்...! அதில் வாலும், இன்னும் ஒருவரும் எழுதியிருந்த இடுகைகளைப் படித்த போது, 'சிகப்பு கம்பள வரவேற்பு', 'திராட்சை ரசம்' போன்ற வார்த்தைகளைப் படித்து சற்று பின் வாங்கி விட்டேன் என்பது தான் உண்மை! அதனால், அது பற்றி அதிகம் சிரத்தை எடு...

சந்தோஷம் தந்த சந்திப்பு Posted: 20 Dec 2009 09:06 AM PST மனம் முழுக்க எதிர்பார்ப்பு! ஏதோ ஒரு சிறு தயக்கம்!! எந்த இடம்...எந்த இடம்...? கண்கள் தேடியபடி நோக்க, தூரத்தில் சிரித்தது பேனர். சர்ரென்று என் ஸ்கூட்டியை கொண்டு நிறுத்தி, பார்த்தால், ஏகப்பட்ட பேர், டீ குடித்தபடி நின்றிருந்தனர். ஆஹா...இத்துணை பேரா? நம்மை தெரிந்து கொள்வார்களா? என்ன மாதிரி வரவேற்பு இருக்கும்??? திக் திக் என்று மனம் அடித்துக் கொண்டது. அதோடு, பெண்கள் யாரையும் காணோம்...கம்பெனிக்கு ஆள் இல்லாமல், நாம் மட்டும் மாட்டிக் கொண்டோமோ? நல்லவேளை என் பர்தாவை வைத்தே அடையாளம் கண்டு விட்டனர். படியேறினால், எல்லாரும் பேட்ஜ் குத்திக் கொண்டு...!மணி அப்போது 4.15. உள்ளே போனால், அங்கு பதிவர் ரம்யாவும், முருக.கவியும் அமர்ந்திருந்தனர். ஆஹா, இரண்டு பெண் வலைஞர்களாவது வந்திருக்கிறார்களே...சந்தோஷமாக அவர்கள் அருகில் போய் அமர்ந்தேன். சரியாக 4.30க்கு பங்ஷன் துவங்கியது. கதிர், வலைச்சரம் சீனா, பழமைபேசி, தமிழ்மணம் காசி, செந்தில், அகநாழிகை வாசுதேவன், பரிசல்காரன், வால்பையன், தண்டோரா, ஆரூரான், க.பாலாசி, கோடீஸ்வரன், வானம்பாடி, நாகா, ஜெர்ரி ஈசானந்த...

சந்தோஷம் தரும் சந்திப்பு Posted: 19 Dec 2009 06:05 AM PST எலக்ட்ரான்ஸும் ப்ரோட்டான்ஸுமான மின்காந்த அலைகள் எழுதவில்லை எம்மனங்களின் சங்கமத்தை! அதையும் தாண்டி இருக்கும் எதார்த்த நட்பும், எதிர்பார்ப்பில்லா அன்பும் பின்னிய வலை இது!அகம் மட்டுமே பார்த்த நட்புகள் முகம் பார்க்க ஒரு வாய்ப்பு! எழுத்தின் வடிவத்தை மட்டும் பார்த்தவர்கள் எழில் உருவத்தையும் நோக்கிட ஒரு சந்திப்பு!! ஈரோட்டில் சந்தோஷம் தரும் சந்திப்பாய், ஒரு சங்கமம்!!! சென்னையின் சிறுகதை பட்டறை நடந்த போது, ஒரு ஏக்கமாய் - ஒரு எதிர்பார்ப்பாய் - கைக்கெட்டாத கனியை பார்த்து கொட்டாவி விட்ட கதையாய் ஏங்கியது என் உள்ளம்...கலந்து கொள்ள வாய்ப்பு கிடைத்தவர்கள் மேல் சற்று பொறாமையாகக் கூட இருந்தது...! அதற்கெல்லாம் ஒரு விடிவாய், இதோ எமக்கொரு வாய்ப்பு!!! நண்பர்கள் அனைவரையும் வருக! வருக! என்று வரவேற்கிறேன்! சந்திப்பு குறித்த விவரங்கள்: 20.12.2009 ஞாயிறு மாலை ஒரு மூன்று மணி நேரம் ஈரோட்டில் பதிவர்கள் மற்றும் வாசிப்பாளர்கள் சங்கமமாக நடத்தத் திட்டமிடப்பட்டிருக்கிறது. அனைவரும் எளிதில் கலந்து கொள்ளும் வகையில் ஞாயிறு மாலை 3.30 மணிக்குத் துவங்கி மாலை 7...

சாயபு வீட்டு சரித்திரம் - 30 Posted: 11 Dec 2009 06:50 AM PST (உலவும் மனிதர்களின் உண்மை கதை) "சுற்றம் பலப்பல சூழ்கையிலே வெற்றிக்கு அங்கு மாற்றேது?! சற்றும் கலங்கா வாழ்க்கையிலே முற்றும் என்பது கிடையாது!" காத்திருத்தல் ரொம்பவும் கஷ்டம் தான்... ஆனால், சில காத்திருத்தல்கள் சுகமானது, ரசித்து அனுபவிப்பது.... காதலிக்காக காதலன் காத்திருப்பதும், தன் வயிற்றுப் பிள்ளையைக் காண கர்ப்பிணி ஆவலோடு பார்த்திருப்பதும், நாள் குறித்தபின் திருமணத்துக்காகக் காத்திருப்பதும், மொட்டாக இருக்கும் ரோஜா மலர்வதற்காகக் காத்திருப்பதும், புதுமணத் தம்பதிகள் இரவுக்காகக் காத்திருப்பதும்....இப்படி பல காத்திருப்புகள் இனிமையானவை, சுவையானவை, உள்ளத்தோடு உரசி, நெஞ்சத்தோடு கதை பேசுபவை! இங்கேயும் காத்திருந்தாள் பாஜி, எலக்‌ஷன் ரிசல்ட்டுக்காக! எல்லாரும் எதிர்பார்த்தது வீண் போகவில்லை.... முடிவு, வெற்றி, வெற்றி, வெற்றி தான்! வாழ்த்து சொல்ல எல்லாரும் அவள் வீட்டுக்கு விரைந்தார்கள். எல்லாருக்கும் இனிப்பு கொடுத்து கொண்டாடினாள். "பாஜிக்கா.... உங்க அக்கா ரெண்டு பேரும் கவர்ன்மெண்ட் சர்வெண்ட் தான்.... ஆனா, கவர...

அப்பா சொன்ன பொய்க்கூ Posted: 07 Dec 2009 04:12 AM PST எங்க அப்பா காய்கறி விலையேற்றத்தைப் பற்றி ஒரு கவிதை சொன்னார்! (அவருடைய சொந்த கவிதை தான்)! நன்றாக இருந்தது! அதனால், அதை இங்கு தருகிறேன்! கைநிறைய பணம் பைநிறைய காய்கறி அப்போ! கைநிறைய பணம் கைநிறைய காய்கறி இப்போ! - எங்க அப்பா R.J.M. ஹாஜி முகமது இஸ்பஹானி. ரீடரில் என் பதிவுகளைப் படிக்கும் அனைவருக்கும் என் நன்றி!

கடலை ரசித்தபடி கடலைப் பார்த்தவாறு காற்றுவாங்கி கடற்கரையில் தோழியுடன் இருக்கையில் கடலை கடலை என்றான் சிறுவன்! கடலை பொட்டலம் வாங்கி கடலை சாப்பிட்டவாறே பேசிக்கொண்டிருந்தோம்! கடலைக் காணவந்தவன் ஒருவன் கடலைப் பார்த்தபடி அருகில் வந்து கடலையா.................? என்றான்! கடலை தான் கேட்கிறான் என்று கடலைப் பொட்டலத்தைக் கொடுத்துவிட்டு கடலைப் பார்த்தது போதுமென்று கடலை விட்டு நீங்கி செல்கையில் கடற்கரையில் கடலையா? எனக்கேட்டவன் கேட்ட கடலை என்னவென்று தோழி எனக்கொரு கடலை வகுப்பெடுத்தாள்! கடலை போடுவது பற்றி! கடலையில் இப்படியும் ஒரு வகையா? என கடற்கரையை நினைத்து நகைத்தேன்! கடலலைபோல் அவளும் சிரித்தாள்! நிலம் பார்த்தவாறு!

உன்பெயர் சொன்னால் இன்னும் இனிமையாவது - தமிழ் நீ நுனி நாக்கில் பேசக் கொடுத்து வைத்தது - ஆங்கிலம் உன்னை தினம் ஒரு முறையாவது பார்க்க மனம் போடுவது - கணக்கு உன்னைப் பார்க்காமல் இயங்காது என் - உயிரியல் உன்னைப் பார்த்ததும் வயிற்றில் பட்டாம்பூச்சி - வேதியியல் நீ அருகில் வர வர அதிகமாகும் இதயத் துடிப்பு - இயற்பியல் காதலில் தோற்றவனுக்கு மறு தேர்வு இல்லை.. இது நீ எனக்கு சொல்லி கொடுத்த வரலாறு..

என்னதான் பசங்க கட்டுக்கோப்பா மனசை வச்சு இருந்தாலுமே ஒரே ஒரு கால் பண்ணி நம்ம மனசை கவுத்திவிடுறாங்க... 1.சாப்பிடியாடா செல்லம்.. 2.உன்னோட எஸ்.எம்.எஸ்.ரொம்ப நல்லா இருந்ததுடா..எனக்காக தானே எழுதின.. 3.உனக்கும் எனக்கும் ஒரே டேஸ்ட் தெரியுமா.. 4.இன்னிக்கு நீ போட்டிருக்கிற சட்டை ரொம்ப சூப்பர்..நான் நாளைக்கு அதே கலர்தான் சுரிதார் போடப்போறேன்.. 5.கேன்-டீன்ல மீட் பண்ணலாம்டா செல்லம்.. 6.தியேட்டருக்கு போலாமாடா. 7.படிக்கும் போது கூட புத்தகத்துல உன் முகம் தெரியுதுடா.. 8.என்னோட பர்ஸ்ல எப்போதுமே உன் போட்டா இருக்கு தெரியுமா.. இன்னும் இதுபோல நிறைய இருக்கு.. ****************************** நகைச்சுவை:- காதல் என்பது.. "வேட்டைக்காரன்" பட டிரெயிலர் மாதிரி.. பார்க்கதவன் பார்க்க துடிப்பான்.. பார்த்தவன் சாகத்துடிப்பான்... ****************************** தத்துவம்:- காதல் வர காரணம் கண்கள்.. கண்களில் கண்ணீர் வர காரணம் பெண்கள்.. பெண்களின் இதயம் ஒரு செங்கல்.. அதை உடைக்க முடியாமல் தவிப்பது ஆண்கள்.. ****************************** கவிதை:- அத்தை பையன் என தோழிகளிடம் என்னை ...

குண்டாக ஆசையா... இதோ டிப்ஸ் மெலிந்த உடல் பருமனாக எத்தனையோ மாத்திரைகளையும், பழம், காய்கறிகளையும் சாப்பிடுவோம். ஆனால் உடல் பருமனாக எளிதான வழி ஒன்று உள்ளது. அது தான் கொண்டைக் கடலை எனப்படும் மூக்கடலை. பச்சை கொண்டைக் கடலையை இரவில் தண்ணீரில் ஊற வைத்து காலையில் சாப்பிட்டு வர மெலிந்த உடல் பருமனாகும். கடுமையான உடற்பயிற்சிகள் செய்து உடலை கட்டுக்கோப்பாக வைத்திருக்கும் ஆண்களும் இதனை சாப்பிடுவது நல்லது. எண்ணிக்கையாக 10 முதல் 15 கொண்டைக் கடலைகளை இவ்வாறு தொடர்ந்து சாப்பிட்டு வர வேண்டும். திராட்சைப் பழம்: உடல் எடையைக் கூட்டவும், குறைக்கவும் திராட்சைப் பழம் உதவுகிறது. உலர்ந்த திராட்சையில் சாதாரண திராட்சையை விட 8 மடங்கு அதிக சர்க்கரைச் சத்து உள்ளது. தொடர்ந்து உலர்ந்த திராட்சையை சாப்பிட்டு வந்தால் உடல் எடையை அதிகரிக்கும். அதே திராட்சை உடல் எடையைக் குறைக்கவும் உதவுகிறது. அதாவது, கருப்பு திராட்சை பழச்சாறு 200 மில்லியை தினமும் 2 வேளை குடித்து வந்தால் அதிகப்படியான கொழுப்புச் சத்து குறைந்து விடும். எனவே உங்களது உடல் எடை கட்டுப்பாட்டுக்குள் வரும்.

கண்டடைந்த கனவு Posted: 04 Dec 2009 09:25 AM PST "நான் அப்படியே நடந்து கொண்டிருந்தேன்...காலியான வகுப்பறைகளை நோக்கியபடி...ஒருவர் என்னிடம் கேட்டார், 'யாரைப் பார்க்க வேண்டும் என்று' அதற்கு நான் சொன்னேன், 'நான் வகுப்புகளை பார்க்க வந்தேன்; நான் அமர்ந்து ஆயிரமாயிரம் கதைகள் பேசிய பெஞ்ச்சுகளையும் டெஸ்க்குகளையும் பார்க்க வந்தேன்; பெருவிருட்சமாக வளர்ந்து இன்று கிளை பரப்பிக் கொண்டிருக்கும், அன்றைய வேப்பஞ்செடியை நலம் விசாரிக்க வந்தேன்; கைநீட்டி மழை வருகிறதா என்று பார்க்கும் சன்னல்களைப் பார்க்க வந்தேன்; அதோடு ப்ளாக் போர்டு, டஸ்ட்டர், உடைந்து போன சாக்பீஸ் துண்டுகள், போர்டின் கீழே சிதறி இருக்கும் சாக்பீஸ் பவுடர், போர்டின் மேல் எழுதியிருக்கும் பொன்மொழி, அங்கு மாட்டியிருக்கும் போட்டோ.... இன்னமும்....இன்னமும்.... என் நினைவலைகள் பின்னோக்கிச் செல்ல...என் கண்களில் அலையும் கனவுகளுடன் யாவையும் காணவே நான் இங்கு வந்தேன்! எனக்குத் தெரியும் இங்கு மனிதர்கள் யாருமில்லை என்று, ஆனாலும் மனிதர்களை விட இவை எம்மிடம் அதிகமாக உரையாடியவை, உறவாடியவை, எம் நேரத்தைக் களவாடியவை, எம்மோடு விளையாடியவை...

அரபு சீமையிலே... - 12 Posted: 03 Dec 2009 05:10 AM PST ஏற்றமிகு ஏந்தல் நபியின் போற்றத் தகுந்த சால்மைக்கு சாற்றும் உதாரணம் கேளீர்! நில்லென்று நிற்க சொல்லி, சென்ற நண்பர் மறந்துவிட, கல்லென நின்றார் அவ்விடத்தில் கடிதினங்கள் மூன்று! மறந்த நண்பர் திடுக்கூறாய் வர உறைந்து போனார் - வெட்கத்தால் குறைந்து போனார்! விரைந்து வராமையால் மனதால் மறைந்து போனார்!! சொன்ன சொல்லை காப்பாற்றும் அன்னவரின் நற்குணந்தான் இன்னதென செல்வம் பெற்ற வண்ணமகள் கதீஜாவின் கண்ணில்பட்டு, கருத்தில் பட்டு எண்ணத்திலே வளர்ந்ததன்று!! வர்த்தகத்தில் சிறந்திருந்தும், வாழ்வின் அர்த்தம் தொலைத்த விதவையவர்! குன்றிலிட்ட விளக்காக ஒழுக்கத்திலே சிறந்த மலர்!! குன்றாத வாணிபத்தை நன்றாக நடத்திவர மன்றோர்கள் வியக்கும்வண்ணம் பெருஞ்செல்வம்தன்னையெல்லாம் ஒன்றாக கட்டிகாத்து வென்றுலக புகழ்சேர்க்க, இட்டபணி செய்துவர கட்டழகர் முஹமதுவை நிர்வாகப் பொறுப்பிலேற்றி, சர்வாங்கமும் ஒப்படைத்தார். சரக்குடனே ஒட்டகத்தை, சிரியாவுக்கு கொண்டெடுத்து, தரத்தாலும் தளராத சொல் வளத்தாலும், பெரும் பொருள் ஈட்டு பெருமை சேர்த்தார், ...

சாயபு வீட்டு சரித்திரம் - 29 Posted: 01 Dec 2009 09:52 AM PST (உலவும் மனிதர்களின் உண்மை கதை) எந்த ஒரு மனிதனுடைய வாழ்க்கையும் சோகமாகவே எப்போதும் இருக்காது. அதே போல சந்தோஷமும் நிரந்தரமாக தங்காது. இன்பமும் துன்பமும் மாறி மாறி வருவது தான் இயற்கையின் நியதி! இதில், துன்பத்தில் பொறுமை காப்பதும், இன்பத்தில் இறைவனை மறக்காமல் இருப்பதும் தான் அவசியமாக இருக்கிறது. சிலருக்கு இன்பத்துக்குப் பின் துன்பம் வருகிறது. அப்போது, வாழ்க்கையே சூனியமானது போல தோன்றுகிறது. சிலருக்கு துன்பத்துக்கு பின் இன்பம் வருகிறது. அப்போது, வாழ்க்கையே நந்தவனமாக பூத்துக் குலுங்குகிறது. இங்கும் அப்படித்தான்... மர்ஜி, ஆப்பி, பாஜி மூவரின் வாழ்க்கையிலும், வசந்தம் துளிர்த்த போது, வாழ்வே வண்ணமயமாக மாறிவிட்டது. மர்ஜிக்கு நீண்ட நாட்களாக எதிர்பார்த்து காத்திருந்த கவர்ன்மெண்ட் போஸ்டிங் கிடைத்து விட்டது. அறிவியல் ஆசிரியை ஒருவர் ரிட்டயர்ட் ஆக, அவருடைய இடத்துக்கு மர்ஜி நியமிக்கப் பட்டாள். மர்ஜியாவின் கணவன் ஃபரீத் மூலமாக பெரிதாக எந்த ஒரு வருமானமும் இல்லாவிட்டாலும், மர்ஜியின் சம்பாத்தியத்தில் குடும்பம் ஓடிக் கொண்டிருந்தது. ஆரி...

சாயபு வீட்டு சரித்திரம் - 28 Posted: 28 Nov 2009 10:50 AM PST "அக்கா...நான் அநாதை ஆயிட்டேனே அக்கா...எனக்கு இனி யாரிருக்கா? யார் என்னை பார்த்துக்குவாங்க இனிமேல்?" ராசிதா கசிந்துருகி அழுதது காணமுடியவில்லை. கேன்சர் முற்றிய நிலையில் இருந்த தஸ்தகீர் ஆஸ்பத்திரியில் நாலு நாள் இருப்பதும், வீட்டுக்கு வருவதுமாக அல்லாடிய பின், நிரந்தரமாக ஓய்வு கொள்ள, தந்தை வழி சொந்தம் யாரும் ராசிதாவை ஏற்றுக் கொள்ள தயாராக இல்லை! கடைசி நேரத்தில் தஸ்தகீர் என்ன நினைத்திருப்பாரோ? கச்சாமாவை தான் தவிக்க விட்டதற்கு பிணையாக, இன்று ராசிதா தனிமரமாக நிற்கிறாளே என்று மனதார வருந்தியிருப்பாரா?! பொறுமையின் சிகரமான கச்சாமாவை தனது சொல்லாலும் செயலாலும் நோவினை செய்ததற்கு, இன்று உடலாலும் மனதாலும் தாங்க முடியாத வேதனையை இறைவன் தந்துவிட்டான் என்று உணர்ந்திருப்பாரா?? கச்சாமாவின் மூன்று பெண்மக்களும் இன்று குடியும் குடித்தனமுமாக இருக்க, சின்னம்மா மக ராசிதா மட்டும் அநாதையாக நிற்கிறாள். "ராசிதா...நீ எங்கூட எங்க வீட்டுக்கு வா... மற்றதை அப்புறம் பார்க்கலாம்!" தகப்பனின் காரியங்கள் முடிந்ததும், மர்ஜியா அவளை தன்...