உபயோகமான தகவல் USEFUL INFORMATION

குழந்தை பாடல் - அமைதியான நதியினிலே Posted: 28 Feb 2010 04:13 AM PST அமைதியாக உறங்கிடுவாய் கண்ணே - என்றும் அறிவுடனே திகழ்ந்திடுவாய் பெண்ணே! அமைதியாக உறங்கிடுவாய் கண்ணே - என்றும் அறிவுடனே திகழ்ந்திடுவாய் பெண்ணே! காலையிலும் மாலையிலும் நிலவுவரும் இரவினிலும் காலையிலும் மாலையிலும் நிலவுவரும் இரவினிலும் கவலையின்றி களித்திடுவாய் கண்ணே! ஹோய்...ஹோய்... அமைதியாக உறங்கிடுவாய் கண்ணே - என்றும் அறிவுடனே திகழ்ந்திடுவாய் பெண்ணே! லாஃபிராமா கண்மணியை ...... லாஃபிராமா கண்மணியை தாலாட்டும் தென்றலது லாஃபிராமா கண்மணியை தாலாட்டும் தென்றலது அன்புடனே பாடிவரும் இன்பத்துடன் மேவிவரும்! அன்புடனே பாடிவரும் இன்பத்துடன் மேவிவரும்! அமைதியாக உறங்கிடுவாய் கண்ணே - என்றும் அறிவுடனே திகழ்ந்திடுவாய் பெண்ணே! எங்களன்பு குலக்கொடியே இறையோனின் அருட்கொடையே எங்களன்பு குலக்கொடியே இறையோனின் அருட்கொடையே பாசத்திலே ஏது எல்லை கனிந்தமனம் வீழ்வதில்லை! பாசத்திலே ஏது எல்லை கனிந்தமனம் வீழ்வதில்லை! அமைதியாக உறங்கிடுவாய் கண்ணே - என்றும் அறிவுடனே திகழ்ந்திடுவாய் பெண்ணே! அமைதியாக உறங்கிடுவாய் கண்ணே - என்றும் அ...

அரபு சீமையிலே... - 16 Posted: 27 Feb 2010 10:22 AM PST துன்மார்க்கம் தோற்க சன்மார்க்கம் தழைத்தது! கண்ணான நபிதந்த பொன்மார்க்கம் அழைத்தது!! முஸ்லிம்கள் எண்ணிக்கை பெருத்தது கண்டு வருத்தமிகக் கொண்டனர் குறைஷிகள்! முஹம்மதை(ஸல்) திருத்தவேண்டும் என்று நாடினர்! உத்பாவின் கருத்தை யாவரும் வேண்டினர்!! ஆசை காட்டலாம் – என்ற யோசனை சொன்னார் அவர்! அதன்படி, ஓசையின்றி மெல்ல சென்றார்- இறை தாசனவர் சந்நிதிக்கு!! "உயர்குடி பிறப்பே! – நமது பெயர்கெட நீரும், புதுமார்க்கம் தரவே – யாம் துயர்மிகக் கொள்கிறோம் - இதை அயர்வுடன் சொல்கிறோம்!! பொருள் வேண்டுமா? – சீமான் என்னும் பெயர் வேண்டுமா??? அருளோடு பதவி வேண்டுமா? இல்லை வேறேதேனும் உதவி வேண்டுமா??? அழகழகாய் பெண் வேண்டுமா? இல்லை மலையளவு பொன் வேண்டுமா??? உமக்கு மூளை பிசகலா? – அல்லது, பூத கணங்களின் சதியா?? வீண்பூசல் வேண்டாம்! உம்மாசை சொல்வீர் – அதை நிறைவேற்றச் செய்வோம்!!! கண்மணியாம் நபியும் புன்முறுவல் பூத்தார்! தண்மறையின் போதனையை தானோதச் செய்தார்!! தன்வழியில் அவர்சேர அன்பாக அழைத்தார்!!! இன்னதென புரியாமல் உத்பாவும் வி...

கண்ணில் தெரியும் கனவு Posted: 20 Feb 2010 10:40 AM PST வானவில்லே, இன்ப வானவில்லே! ....வரும் காலம் தோறும் கானம் நூறு, ....பாடும் ராகம் போடும் தாளம் ....கேட்கும் இந்த மண்ணிலே! ....அந்த சரணம் அங்கு விண்ணிலே!! நானுமங்கே, இன்று நானுமங்கே! ....கோலம் பாதி கோணம் மாறி, ....கூட்டை விட்டு வானில் தாவி, ....விண்ணில் வரைந்த கோலமே! ....என் எண்ணம் அதனுள் வாழுமே!! வான எல்லை, அங்கு வரைந்த வில்லே! ....கூத்தடிக்க கூட சேர்ந்து ....பாட்டிசைக்க பருவம் பார்த்து, ....நெஞ்சை அள்ளும் தோற்றமே! ....என் எண்ணம் அதனுள் வாழுமே!! கன்னித் தாமரை, கண்ணுக்கேன் திரை ....கூறும் உருவம் மாறும் பருவம் ....நீரில் அமுதம் தேடும் குமுதம் ....எண்ணம் மிதக்கும் கனவிலே! ....அது நீந்திச் செல்லும் நிலவிலே!! -சுமஜ்லா. ரீடரில் என் பதிவுகளைப் படிக்கும் அனைவருக்கும் என் நன்றி!

அரபு சீமையிலே... - 15 Posted: 09 Feb 2010 05:14 AM PST இஸ்லாத்தைத் தான் ஏற்காத போதும், இன்முக சிறுதந்தை அபூதாலிப் அவர்கள், முரணாய் பேசிய மக்களிடமிருந்து, அரணாய் காத்தார் நபிகள் தன்னை!! அபூலஹப் மக்கள் உத்பா, உதைபா, நபியின் புதல்விகள் ருகையா, உம்மு குல்தூம் இவர்களை மணமுடித்திருக்க, தீனின் மீது கொண்ட வெறுப்பால் ஆணையிட்டார் மணவிலக்களிக்க!! எண்ணரும் துன்பங்கள் எல்லையின்றி தொடர்ந்தாலும், கண்ணென நபிகள் காத்தார் தீனை!! அண்ணல்நபிகளுக்களித்து வந்த கொடுமை அளவில்லாமல் பெருக, அடித்தும் படித்தும் துடித்திட வைத்தும், உடலுக்கு நோவினையும் மனதுக்கு வேதனையும் வரையின்றி தந்தனர்! குறையின்றி ஈந்தனர்!! இந்நாள் மதினா, அந்நாள் யத்ரிபு மக்கள் சிலரும் மக்கா ஏகி தக்கசன்மார்க்கத்தை தலையால் ஏற்றனர்!! எதிர்ப்பு அதிகப்பட தீன் வளர்ந்தது! ஏளனம் செய்யசெய்ய, பாரெங்கும் பரவுது!! அபூ ஜஹல் என்னும் அறிவீனத்தந்தை அளப்பரும் கொடுமைகள் பலப்பல செய்தான்! அண்ணல் பெருமானுக்கு ஆதரவு ஒரு புறம் ஆல்போல தழைக்க, எதிர்ப்பெனும் விருட்சமும் வேகமாய் வளர்ந்தது! இஸ்லாத்தை தழுவி, முஸ்லிமாக மா...

குழந்தை பாடல் - கண்ணே கலைமானே Posted: 06 Feb 2010 09:05 AM PST கண்ணே கண்மணியே கண்ணுறங்கு லாஃபிரா பொன்மயிலே! ஆசையுடன் உன்னை நாம் பார்க்கிறோம்... ஆண்டவனை இறைஞ்சி கேட்கிறோம் ஆரிராரோ ஓ ஆரிரோ! பாசம் கொண்டோம் பண்பினை வளர்த்தோம் பைங்கிளி உனை நாம் கருத்தினில் நிறைத்தோம்! நீயொரு பிள்ளைகனி - லாஃபிரா பாத்திமா செல்லகிளி வசந்தங்கள் வாழ்த்தும் நேரமிது வாழ்வினில் சேரும் காலமது! கண்ணே கண்மணியே கண்ணுறங்கு லாஃபிரா பொன்மயிலே! ஆசையுடன் உன்னை நாம் பார்க்கிறோம்... ஆண்டவனை இறைஞ்சி கேட்கிறோம் ஆரிராரோ ஓ ஆரிரோ! வாழும் வாழ்வில் வளங்கள் காண்பாய் வாழ்த்தும் பாடலில், மகிழ்ச்சியில் திளைப்பாய் உணர்வில் உயிராய் நீ - என்றென்றும் உள்ளத்தில் நிறைந்திடுவாய்! கண்ணே உன் முகத்தில் கவிதைகளே! காண்கின்ற கண்கள் ஒரு கோடியே!! கண்ணே கண்மணியே கண்ணுறங்கு லாஃபிரா பொன்மயிலே! ஆசையுடன் உன்னை நாம் பார்க்கிறோம்... ஆண்டவனை இறைஞ்சி கேட்கிறோம் ஆரிராரோ ஓ ஆரிரோ! -சுமஜ்லா. ஒரிஜினல் பாடல் இதோ: கண்ணே கலைமானே.. கன்னி மயிலென கண்டேன் உனை நானே.. அந்திப் பகல் உனை நான் பார்க்கிறேன் ஆண்டவனே இதைத் தான் கேட்கிறேன் ...

அரபு சீமையிலே.... - 14 Posted: 30 Jan 2010 10:23 AM PST இறையின் நினைவில் குறையா அருளில் குன்றா நம்பிக்கை நன்றாய் கொண்டு, பெருமகன் முஹமது சீராய் மணந்து, அருந்தவம் கிடந்தார் ஹீரா குகையில்! புனித ரமலான் மாதத்தில் இனியதொரு பிறையன்று, இறங்கியதே இறை செய்தி! உறங்கியதே தீய சக்தி!! இருளின் ஊடே ஒளியாய் தோன்றி, அருளின் வடிவாய் நின்றார் ஜிப்ரீல்! ஏகனின் தூதர் வாகையை சூட, வல்லவன் செய்தியை நல்லவரிடம் சேர்த்து, வானவர் கோமான் ஆணைகள் போட, "ஓதுவீராக!" என்றவரிடத்தில், ஓதத்தெரியாதென, மருண்டார் நபிகள்! மும்முறை சொல்ல, முயற்சிகள் வெல்ல, செம்மறை திருமறை செழிப்பாய் இறங்க, கண்மணி முஹமது(ஸல்) நன்மணி நாயகர் தூதை ஏற்று தூயவராக, போதம் தாங்கி மனையிடம் ஏக, மறைபொருளாலே மனமெல்லாம் அஞ்சி, மனைத்துணை கதீஜா அருகில் துஞ்ச, ஆறுதல் சொல்ல, தேறுதல் கொண்டார்! ஆறுமாதம் சென்று வேறொரு இறைசெய்திவர மாறுதல் ஏற்று மாட்சிமை உரைத்தார்!! இறுதிநபி தானென்ற உறுதி உள்ளத்தில் நிறைத்தார்!! நாயகத்திருமேனியின் சிறிய தந்தை புதல்வர் ஆறு வயது சிறுவன் அலியார், அண்ணலாருடன் இணைந்து இறைவணக்...

தமிழ் குடும்பத்துக்கு நன்றி! Posted: 24 Jan 2010 03:16 AM PST எதிர்பாராத சில விஷயங்கள் நம்மை மகிழ்ச்சியில் ஆழ்த்தி விடுகிறது. தமிழ் குடும்பத்தின் அன்பளிப்பும் அது போலத் தான். திறமையுள்ள யாவரையும் ஊக்கப்படுத்தி, அவர்களின் படைப்புகளை வெளியிட்டு வரும் தமிழ்குடும்பம்.காம் இணைய தளம், கடந்த பத்து நாட்களுக்கு முன்பு, அத்தளத்தில் நல்ல முறையில் பங்கெடுத்து தம் ஆக்கங்களைப் பதிந்த ஒரு சிலரைத் தேர்ந்தெடுத்து பரிசுகள் வழங்கியது. அதில், சாயபு வீட்டு சரித்திரம் என்னும் உண்மை சம்பவத் தொடரை 30 பாகங்களாக எழுதி நிறைவு செய்திருந்த என்னையும் பரிசு வழங்கத் தேர்ந்தெடுத்து இருந்தார்கள். அதற்கு முதலாவதாக தமிழ்குடும்பத்துக்கு என் நன்றிகளைத் தெரிவித்துக் கொள்கிறேன். பரிசாக வழங்க, ருபாய் 500 மதிப்புள்ள புத்தகங்களைத் உடுமலை.காம் என்னும் புத்தக விற்பனைத் தளத்தில் தேர்ந்தெடுத்து அனுப்புமாறு மின்னஞ்சல் அனுப்பு இருந்தார்கள். அத்தளத்தில் கிட்டத்தட்ட, அனைத்து எழுத்தாளர்களின் ஆக்கங்களும் இருந்தன. எதைத் தேர்ந்தெடுப்பது என்று சற்றே குழம்பினாலும், நான் முதலில் தேடியது, பழம்பெரும் பெண் எழுத்தாளர் லட்சுமி எழுதிய பெண்...

எதிர்கால வாழ்விலே... Posted: 11 Jan 2010 08:43 AM PST பள்ளி இறுதி நாட்களில் எழுதியது! காலங்கள் கைவிட்டு நழுவிவிடும் கோலங்கள் உருமாறி மறந்து விடும்! நம்பாடம் இஃதோடு மறைந்து விடும், தம்வீடு போதுமென்ற நினைப்பு வரும்! பாடங்கள் மனதினின்று அகன்று, பல வேடங்கள் கண்டு மனம் மயங்கி நிற்கும்! தாகத்தில் உணர்விழந்து அறிவு மங்கி, வேகங்கள் விளையாட்டு ஆரம்பிக்கும்! சோகங்கள் கைகொட்டி சிரிக்கும் போது, மோகங்கள் விலகிநின்று முதிர்ச்சிதரும்! உண்மைகள் எழுந்து வந்து பேசும் பின்பு, கண்ணிமைகள் கனவினின்று மீண்டு வரும்! நிழலையும் நிஜத்தையும் பகுத்தறிந்தால், விழலிலே விழாத விதையாகலாம்! பண்பாடும் என்மனதின் கேள்வியிது, அந்நாளில் இந்நாட்கள் மறந்திடுமோ?! -சுமஜ்லா. ரீடரில் என் பதிவுகளைப் படிக்கும் அனைவருக்கும் என் நன்றி!

குழந்தை பாடல் - இன்னிசை பாடி வரும்... Posted: 09 Jan 2010 05:37 PM PST இரண்டரை ஆண்டுகளுக்கு முன், என் தம்பிமகன் தைசீர் அஹமது பிறந்த போது, நான் பாடிய தாலாட்டு! அன்புடன் ஆட்சி செய்ய ஒரு கண்மணி வந்ததடா... பாசத்தைக் குழைத்தெடுத்து ஒரு பைங்கிளி பூத்ததடா... உன்முகத்தைப் பார்க்கையில், உள்ளம் கொள்ளை போகுதே - தேனின் சுவையைப் போலவே கண்ணன் குரலும் இனிக்குதே... அத்தை பாடிடும் ஒரு பாடல் தான் அதைப் பாடப் பாட பிஞ்சு மனது குளிர்ந்திடுமே! (அன்புடன்) கண்ணுக்கு கண்ணாக நீ பிறந்து வந்தாயே! முகத்தோடு முகம் சேர்த்து, கனிமுத்தம் தந்தேனே! பூஞ்சிட்டை பார்த்திட, மனம் பரவசமானதே! தம்பியின் முகத்திலே அட, பெருமை பொங்குதே!! தொட்டில் நானும் ஆட்டுகிறேன், ஆரீ ராரி ராரோ! விழிகள் மூடி கனவுடனே, நீயும் தூங்கிடுவாய்!! அத்தை பாடல் கேட்டு தாளம்போடு இளமகனே!! (அன்புடன்) சந்தன சிலை போல, இளவரசன் கண்டேனே! உயிருக்கு உயிராக, உனைக் கொஞ்சி ரசித்தேனே!! பெற்றவர் வாழ்க்கையில் தனி அர்த்தம் சேர்ந்தது! உன்முகம் ரசிப்பதே புது வேலை ஆனது!! செல்லக் கண்ணன் தூங்கிடவே, ஆரீ ராரி ராரோ!! மெல்ல மெல்ல பாடு...

நானும் சில நற்’குடி’காரர்களும் Posted: 02 Jan 2010 08:15 AM PST " நன்னனா நன்னானா நன்னானா நன்னானா யேவ்வ்வ்வ்வ்வ்வ்வ்வ்!" வாய் ஆவென்று பிளக்க, சாதம் உள்ளே தானாய் இறங்குகிறது! அவனுடைய பாஷையை, 'சோறு தான் திங்கறீயா? பிடிச்சிட்டு போகட்டுமா? யேவ்வ்வ்வ்வ்வ்வ்வ்வ்வ்வ்!' என்பதாக மொழி பெயர்க்கிறார் அம்மா! யார் அவன்? ஏன் அந்த ஆளைக் கண்டு பதுங்குகிறோம், நானும் தம்பியும்! அந்த அவன் குடிகார முனியப்பன்...! எப்பவும் கத்திக் கொண்டே தான் போவான். அவன் போடும் கூப்பாட்டின் கடைசியில் ஒரு யேவ்வ்வ்வ்வ் என்று ஏப்பம் விடுவது போல சைரன் கொடுப்பான்! அது அவனுடைய டிரேட் மார்க்! அதிலிருந்து, குடிகாரர்களைக் கண்டால் எனக்கு ரொம்பவும் பயம். அம்மாமார்கள் பிள்ளைகளுக்கு சாதம் ஊட்ட, இப்படி எதையாவது காண்பித்து பயப்படுத்துகிறார்கள். இன்னொரு பூச்சாண்டி எங்களை பயத்தில் ஆழ்த்துவாள்! அவள் பெயர் பீக்குட்டி. ஒரிஜினல் பெயர் பீவிக் குட்டியாம்! பூர்வீகம் கேரளா என்று கேள்வி! அவளுடைய வயிறு மிகவும் பெரியதாக இருக்கும். அவள் யாரையும் நம்பமாட்டாளாம்...ஏதோ மனநோயாம்...அதனால் அவளுடைய பண்டபாத்திரங்கள் எல்லாம் வயிற்ற...

நினைவுகளின் தேரோட்டம் Posted: 30 Dec 2009 07:26 AM PST காகிதக் கப்பல் போல் மறைந்தோடும் எண்ணங்கள்! காவல் தீபத்தையே காத்திடும் ராஜாங்கம்...! முடிந்திட்ட நேரங்காலம் இருளோடு விளையாடும், மொட்டவிழ்ந்த மலர்களெல்லாம் தென்றலோடு கதை பேசும்! காலத்தின் பார்வையிலே கலைந்திட்ட பாதைகள்! நீங்காத வடுக்களினால், சோர்வுற்ற சோகங்கள்!! சோலைக் குயிலோசையில் சூறாவளியின் சுகபயணம்! சூரியக் கிரணங்களாய், என் நினைவுகளின் தேரோட்டம்!!! அனைவருக்கும் புத்தாண்டு நல்வாழ்த்துக்கள்!!! -சுமஜ்லா. ரீடரில் என் பதிவுகளைப் படிக்கும் அனைவருக்கும் என் நன்றி!

ஊரைத் தெரிஞ்சுக்கிட்டேன்... Posted: 29 Dec 2009 04:53 AM PST மனிதர்களின் உண்மை முகங்களை புரிந்து கொள்ள எனக்குக் கிடைத்த ஒரு வாய்ப்பாகத்தான் நான் இந்த சச்சரவுகளை நினைக்கிறேன். முதலில், நான் புரிந்து கொண்டது, இங்கு இந்துபெயரில் கமெண்ட் போடுபவர்கள் எல்லாம் இந்துக்கள் அல்ல; அதே போல இஸ்லாமியப் பெயரில் கமெண்ட் போடுபவர்கள் எல்லாம் இஸ்லாமியர்கள் அல்ல! பத்து பேர் சேர்ந்து ஒரு யானைப்பார்த்து பன்றி என்றால் அது பன்றியாகத்தான் தெரியும்; அது மனிதர்களின் மனப்பான்மை! பர்தா விஷயத்திலும் நிகழ்ந்தது இது தான்! பின்னூட்டத்தில் பொறுமையாக பதில் தந்திருக்கிறேன், ஆனாலும் காதையும் கண்ணையும் பொத்திக் கொண்டு கத்துபவர்களை என்ன செய்ய முடியும்??? பேஜ் இம்ப்ரஷன் அதிகரிக்க, ஒரே நாளில் ஃபேமஸாக என்று எதிர் தாக்குதல் நடத்தி இருப்பார்களோ! எந்தப்புறம் என்றாலும் கொம்பு சீவி விட ஒரு கூட்டம்! ஆனாலும், நான் பொறுமையாகத் தான் பதில் சொல்லி வந்தேன்! முந்திய என் பதிவில் இருக்கும் கவிதையின் உட்கருத்து கூட, பல பதிவர்கள் பல நேரங்களின் எனக்கு அளித்த பின்னூட்டத்தின் விளைவாகத் தான்! அசிங்கமாகத் திட்டி தனிமனிதத் தாக்குதலோடு வந்த ...

குழந்தை பாடல் - ஆயர்பாடி மாளிகையில்... Posted: 28 Dec 2009 06:33 AM PST இல்லையொரு பிள்ளையென்று ஏங்கும் போது வந்துதித்த என் செல்லத்தங்கத்துக்கு, பன்னிரெண்டு வருடங்களுக்கு முன், நான் எழுதிய தாலாட்டு! அன்பு எனும் மாளிகையில் தாய்மடியில் கன்றினைப் போல் லாஃபிரா கண்ணே தூங்கிடுவாய் தாலேலோ - நீ மனம் நிறைய களிப்புடனே மகிழ்ச்சியுடன் ஆடியபின் தனை மறந்து தூங்கிடுவாய் தாலேலோ தனை மறந்து தூங்கிடுவாய் தாலேலோ(அன்பு எனும்) பூவிதழால் புன்னகைத்து தாய்மனதைக் கொள்ளைகொண்டு பவுர்ணமியாய் ஒளிதருவாய் தாலேலோ - உந்தன் மழலையிலே எனை மயக்க குறும்பினிலே நீ கலக்க நிறைவுடனே உறங்கிடுவாய் ஆராரோ! நிறைவுடனே உறங்கிடுவாய் ஆராரோ!(அன்பு எனும்) இல்லையொரு பிள்ளையென ஏங்கும் போது வந்துதித்த லாஃபிராகண்ணே கண்மலர்வாய் தாலேலோ - உன் தேன்மொழியில் வாயொழுக தீந்தமிழில் பாட்டிசைக்க திருமகளே தூங்கிடுவாய் ஆராரோ! திருமகளே தூங்கிடுவாய் ஆராரோ! (அன்பு எனும்) கையிரண்டில் அள்ளிக் கொண்டு கன்னத்திலே கன்னம் வைத்து முத்தங்களை பொழிந்திடவே தாலேலோ - உன் பொன்னழகை பார்ப்பதற்கும் பூமுகத்தை ரசிப்பதற்கும் கண்ணிரண்டு போதவில்லை ஆராரோ! ...

சாது மிரண்டால்... Posted: 27 Dec 2009 07:08 AM PST பத்து பேர் சேர்ந்து கூக்குரலிட்டால், பஞ்சு நஞ்சாகிடுமா? வெத்து வேட்டுக்களின் வித்தையிங்கு நஞ்சை விஞ்சிவிடுமா?? இனமானம் காக்க தூக்கிய கூஜா நொருங்கிப் போகுது பாவம்! கூஜாவின் கழுத்தையும் மாதவர் இடுப்பாக காமத்தின் கண்பார்க்கும் சோகம்!! உம்மின ஆண்கூட குடிக்க மாட்டார்களா??? என்று கேள்வி எழுப்பி, தம்வீட்டு பெண்களும் குடிப்பார்கள் என்று பறைசாற்றி, தம்மை, நற்'குடி'யாகக் காட்டிக் கொண்ட தகர டப்பாக்கள்! கருப்பென்று கருவிழியை பிடுங்கி எறிந்து விட்டு, கருப்பென்று தலைமுடி மீசையும் மழித்துவிட்டு, பரிதாபக் கோலத்தில் தன்மானக் காவலர்கள்!! மதிமயக்கும் பானத்தைக் குடித்தாட்டம் போட்டு, விஷம் தோய்த்த பானத்தை விதிமேலே தொடுத்து, மயங்கியொரு போதையிலே முயங்கியாடும் கும்மாளம்! பசுபோட்ட சாணத்தை தலைமேலே ஏற்றி, பெண்ணினத்தின் நாணத்தை காலாலே நசுக்கி, சுயவிளம்பரம் தேடிக்கொள்ளும் கயவர்களின் பட்டாளம்!! மூடிவைத்த பதார்த்தத்தில் வாசம் வராதென்று, திறந்து வைத்து, தேடிவரும் ஈசலுக்கும், நாடிவரும் எறும்புக்கும் இரையாக்கு...

அரபு சீமையிலே... - 13 Posted: 26 Dec 2009 06:40 AM PST மாதவத்தால் வந்துதித்த மாணிக்கமாம் முகமதுவை சாதகமாய் மணமுடிக்க சம்மதத்தை வேண்டியந்த மாதவரும் குடும்பத்திலே பெரியராம் அபுதாலிபிடம், தூதுவிட்டார், துயரம் விட்டார் இனிய நாளில் மணம்முடித்தார். முகமதுக்கு இருபத்தைந்து வயது, கதிஜாவின் வயதோ நாற்பது! இவரை எங்ஙனம் ஏற்பது? என தயங்கவில்லை முகமது! ஏற்றிட மலர்ந்தது கதிஜாவின் முகமது!! ஐநூறு தினார் தங்ககாசும் இருபது பெண் ஒட்டகையும் என மஹர் கொடுத்து மணம்முடித்தார், மனிதர் குல புனிதர் நபி! செவிலித்தாய் ஹலிமாவையும் நன்முறையில் உபசரித்து, பரிசாய் பல கால்நடையும், அன்பளிப்பாய் உவந்தளித்தார். பெண்ணினத்தின் கண்மணியாய், வியனுலக நன்மலராய் ஒருமித்த தாம்பத்யம் - என ஒழுகி நின்றார் கதிஜாவும்!! காஸிம், அப்துல்லாஹ் என்ற இரு ஆண்மக்களும், ஜைனப், ருகையா உம்முகுல்தூம், பாத்திமா, என்று நான்கு பெண்மக்களும், கதிஜாவின் மணிவயிற்றில் உதித்து வந்த கண்மணிகள். ஆண்மக்கள் இருவருமே, இறப்பெய்த சிறுவயதில், பெண்மக்கள் நால்வருமே, சிறப்பாக வாழ்ந்தனரே! விக்கிரக வணக்கமும், வீணான பழக்கமும் ...